這兩天正忙著編寫關於清．卓肇昌〈東港竹枝詞〉的教材，在尋找相關資料的過程中，發現了這個網站，真是有趣啊！
全文都得用台語唸才讀得通，這時，我就後悔在學台語拼音時，沒好好的下功夫(愧ing..)
真想寫e-mail 去請教翁老師，可是老師太忙了，不好意思因小事叨擾，我想，有機會還是要把台語拼音學起來才行......
(這時腦袋裡浮現我得學的拼音，有漢語拼音，教華語文要用的；國際音標，語音學要用的；這下子再多一個台語拼音，我的媽呀！腦筋又要打蝴蝶結了。)
========
卓肇昌，這个是左營人。
啊較早咱台灣就是講「一府，二鹿，三艋舺」，啊南部就是左營的文化尚發達的啦。啊有一个卓肇昌，就是伊已經作秀才啊，啊卜擱去考校，卜北京考校，卜考卜作官。
啊卜考卜作官呼，伊本身呼，未去考校的時，啊伊就想，佇hin1厝就彼坐，「hoo2～，今也若予我考稠狀元呼，我就自桃仔園」──彼有一个桃仔園後勁，左營——啊伊就是講，「我若予我考著狀元的時呼，我卜將桃仔園合後勁，彼的所有的田園攏卜共霸來。」安呢啦。啊伊就是講將桃仔園，啊合後勁呼，彼的土地攏卜共霸來。啊攏卜共霸來呼，彼老百姓就知影。
較早的人你就知影，這田呼，不管安若，就是卜留予、安呢代代留予子孫的，啊就是有土地曷會使予你霸cit4咧，啊遮就我的，安呢伊作官就卜共我霸安呢。啊捕風捕影，逐个就安呢下天告地啦——下天告地就是講，佇hin1外口拜天公安呢，下天告地啦——「這个人若去考校，你就毋通予考著哦！轉來就死半海裏哦！」安呢啦，啊伊cun9仔去考校，卓肇昌cun9仔去考。
去考的時呼，彼文章攏寫好啊，卜用予乾呼，啊彼胡蠅來硬共噆啦。啊較早攏寫烏墨的嘛，啊胡蠅來硬卜共噆，硬卜共捭彼的胡蠅呼，想講啊就捭啊煞這塊擱、這个就是墨盤cong9仔捭一下cong9仔彼的墨水泏出來cong9仔共〔淹沒〕掉，伊歸篇文章煞cong9仔報銷去，就擱寫赴啊嘛，啊cun9仔佇北京街仔路彼趖啦。
啊北京街仔路彼soh8，講抵好一个相命先仔共看，講：「啊～這个少年仔來來來來！hoo2～你毋通轉去哦，你這个人足，你今氣色足就著啦，你若行遠路你毋通轉去。但是我三張符仔予你。」啊毋就彼三張符仔圍咧呼，就轉來。
轉來無動無靜，講轉來佇左營三年呼，左營彼的人攏破病。啊伊轉來彼三張符仔囥佇佗位？較早的人就用彼號大竹呼，做枕頭，啊攏拍孔，啊若有儉錢亦攏囥囥佇hin4裏啦。啊伊就彼橐佇hin1，橐三年。啊較佇彼想想想，想想e0講：「e5！一个呼，彼个相命先仔提三張符仔予我，啊我共囥佇彼擱亦無共燒去，講叫我轉來就共燒掉安呢。」
啊轉來，伊三年了後伊就cun9仔彼三張符仔共提出來共燒。啊燒一張講啊hoo2～啊一个青面獠牙講：「啊～主公啊好佳哉，我來遮共你顧三年啊，我卜倒來天庭繳旨。」安呢，三張燒落攏相像安呢啦。啊伊較彼想，想講：「hoo2～這个人使做毋著jit4呢，我彼陣啊當時講卜若考著狀元呼，啊就桃仔園到後勁彼的土地攏卜kang9霸啦。」啊尾手講：「啊！安呢著愛反悔！」
啊伊較cun9仔題一幅詩，講：
為善必昌。為善不昌，祖宗必有餘殃，殃盡必昌；
為惡必亡。為惡不亡，祖宗必有餘德，德盡必亡。
啊這句詩呼，今囥佇tue9呢？囥佇後勁的彼个廟的廟柱裏。
http://140.138.172.55/TFL/ASP/datalink.asp?word=%E6%9F%B1&%20id%20=04TC_00489
沒有留言:
張貼留言